Sykkylven Janitsjarorkester inviterer til sommarkonsert i Sykkylven kulturhus 21. juni kl. 18.00.

På programmet står mellom anna musikk av Chick Corea, Astor Piazzolla og Antonio Carlos Jobim, i tillegg til favorittar som Samba Loco og Tico-Tico. Vi byr på ei latininspirert reise som sender tankane mot sol, sommar og lettare dagar.

Konserten blir leia av Miki Campins, som er musikalsk leiar for Sykkylven Janitsjarorkester for første gong. Det gjer årets sommarkonsert ekstra spennande, både for orkesteret og publikum. Miki er fødd på Mallorca og har brei bakgrunn som slagverkar, dirigent og musikar, so om det er nokon som kan klare å riste fram rytmane som bur i orkesteret, so er det han.

Velkomen til ein sommarkveld med rytme, energi og speleglede!